2018 წლის 19 ნოემბერს სულხან-საბა ორბელიანის უნივერსიტეტში გაიმართა სტიპენდიანტთა დაჯილდოების ცერემონია.

სტიპენდიანტები საბაუნის რექტორმა ვაჟა ვარდიძემ სერტიფიკატებითა და სიმბოლური საჩუქრებით დააჯილდოვა და მათ წარმატება უსურვა. სიტყვით წარსდგა უნივერსიტეტის ვიცე-რექტორი დიმიტრი გეგენავაც, რომელმაც დამსწრეებს უნივერსიტეტში მოქმედი სტიპენდიის გაცემის წესი გააცნო.

დეტალურად სტიპენდიის გაცემის წესის შესახებ:

2018 წლის 16 ნოემბერს ტოლერანტობის საერთაშორისო დღესთან დაკავშირებით გამართულ ღონისძიებაზე სულხან-საბა ორბელიანის უნივერსიტეტს ტოლერანტობის ქომაგის ჯილდო გადაეცა. ეს არის ჯილდო, რომლითაც სახალხო დამცველთან არსებული ეროვნულ უმცირესობათა და რელიგიათა საბჭოები ყოველწლიურად, ტოლერანტობის საერთაშორისო დღეს,
აჯილდოებენ ადამიანებს, ორგანიზაციებს და მედიასაშუალებებს რომლებმაც მიმდინარე წლის განმვლობაში ხელი შეუწყეს ქვეყანაში ეროვნული და რელიგიური უმცირესობების უფლებების დაცვას და ტოლერანტობის კულტურის დამკვირდებას. წელს ტოლერანტობის ქომაგის ჯილდოს მფლობელები გახდნენ:

 სულხან-საბა ორბელიანის უნივერსიტეტი
 იოს დაუმა, ჰოლანდიის ელჩი
 დედა სიდონია
 ნათია კაპანაძე, საზოგადოებრივი მაუწყებლის, აჭარის ტელევიზიისა და რადიოს
რედაქტორი
 სოფიო სიჭინავა, ცესკოს კოორდინაციის დაგეგმვისა და ანგარიშგების
დეპარტამენტის უფროსი
 ეთნიკური და მულტიკულტურულაზმის შესწავლის ცენტრი
 ვიტალი საფაროვი (ახლახანს ვერაგულად მოკლული უფლებადამცველი
სავარაუდოდ ქსენოფობიურ ნიაგადზე), ჯილდო გადაეცა უფლედამაცველის დედას
 ბათუმელები, მედიაორგანიზაცია
 მარნეულის სათემო რადიო
 პანსკისი სათემო რადიო WAY

ასევე, საგანგებო ჯილდოები გადაეცათ უმცირესობების საბჭოების წევრებს: გარი აუგუსტის, ქართველ-გერმანელთა სათვისტომოს ხელმძღვანელს და საქართველოში ლატვიის სათვისტომოს თავმჯდომარეს, რეგინა იაკობიძეს. ტოლერანტობის საერთაშორისო დღის აღნიშვნა სათავეს 1996 წლის 16 ნოემბერს იღებს, როდესაც იუნესკოს წევრმა სახელმწიფოებმა ტოლერანტობის (შემწყნარებლობის) პრინციპების შესახებ დეკლარაცია და სამოქმედო პროგრამა მიიღეს. საქართველოში სახალხო დამცველის ინსტიტუტი და ტოლერანტობის ცენტრი ამ დღეს 2006 წლიდან აღნიშნავენ.

Erasmus+ საერთაშორისო კრედიტ მობილობის კონკურსის შედეგად 2018-2019 სასწავლო წლის საგაზაფხულო სემესტრზე საბაუნის სამართლის სამაგისტრო პროგრამის სამი სტუდენტი გაემგზავრება საზღვარგარეთ ერთი სემესტრით სასწავლებლად.
ნელი გოგინავა და მარიამ კუტალაძე ლიონის კათოლიკურ უნივერსიტეტში (საფრანგეთი)
გიორგი ჯანაშვილი (იოანე პავლე მეორის სახელობის ლუბლინის კათოლიკურ უნივერსიტეტში (პოლონეთი)

საბაუნი წარმატებებს უსურვებს გრანტის მფლობელებს.

2018 წლის 15 ნოემბერს საბაუნის სტუმრად ეწვივნენ: პოლონეთის ელჩი მარიუშ მაშკიევიჩი, ვატიკანის ელჩი (წმ. საყდრის დესპანი) მთავარეპისკოპოსი ხოსე აველინო ბეტენკური და ვარშავის სტეფან ვიშინსკის უნივერსიტეტის რექტორი პროფესორი სტანისლავ ძიეკონსკი.

შეხვედრაზე საბაუნისა და ვარშავის სტეფან ვიშინსკის უნივერსიტეტს შორის გაფორმდა ურთიერთთანამშრომლობის მემორანდუმი, რომელიც ითვალისწინებს როგორც სტუდენტების, ასევე აკადემიური პერსონალისთვის გაცვლითი პროგრამების უზრუნველყოფასა და უნივერსიტეტებს შორის საგანმანათლებლო-კვლევითი საქმიანობების განხორციელებას.

შეხვედრის ბოლოს საბაუნის ფოლკლორულმა ანსამბლმა დამსწრეებისთვის რამდენიმე სიმღერა შეასრულა.

2018 წლის 15 ნოემბერს სულხან-საბა ორბელიანის უნივერსიტეტში გაიმართა საბაუნის ვიცე-რექტორის, პროფესორ დიმიტრი გეგენავას წიგნის წარდგენა.

წიგნი - „ეკლესია-სახელმწიფოს ურთიერთობის სამართლებრივი მოდელები და საქართველოს კონსტიტუციური შეთანხმება“ სულხან-საბა ორბელიანის უნივერსიტეტის, დავით ბატონიშვილის სამართლის ინსტიტუტისა და იურიდიული კომპანია „ჯეი ემ ჯი და პარტნიორების“ ერთობლივი გამოცემაა.

წიგნში განხილულია ეკლესია-სახელმწიფოს ურთიერთობების ისტორია, ძირითადი პოლიტიკურ-სამართლებრივი საკითხები, ეკლესია-სახელმწიფოს ურთიერთობების სამართლებრივი მოდელები და მათი ძირითადი მახასიათებლები, საქართველოს კონსტიტუციური შეთანხმება, მისი პრობლემები და აღსრულებასთან დაკავშირებული საკითხები.

ღონისძიებაზე დამსწრეებს წიგნები უსასყიდლოდ გადაეცათ, ავტორის ხელმოწერით.

2018 წლის 14 ნოემბერს საბაუნიში ჩარტარდა პირველი მსოფლიო ომის დასრულების 100 წლისადმი მიძღვნილი სამეცნიერო კონფერენცია, თემაზე: ➡ „პირველი მსოფლიო ომი: ისტორიული, პოლიტიკური და სამართლებრივი საკითხები“. კონფერენციაში მონაწილეობდნენ ისტორიის, პოლიტიკის, საერთაშორისო ურთიერთობებისა და სამართლის მიმართულების პროფესორები და მკვლევრები. მოხსენებების ბოლოს გაიმართა დისკუსია-განხილვა, სადაც დამსწრეებს საშუალება ჰქონდათ დაესვათ შეკითხვები.

2018 წლის 6 ნოემბერს სულხან-საბა ორბელიანის უნივერსიტეტში ჩატარდა საჯარო ლექცია თემაზე: ▶ ქალ მოსამართლეთა როლი სასამართლო სისტემაში, სადაც მონაწილეობას იღებდნენ საერთაშორისო ექსპერტები და მოსამართლეები: ამერიკიდან, ბრიტანეთიდან, ავსტრიიდან, ბოსნია და ჰერცეგოვინიიდან.

მოხსენებებით წარსდგნენ:  მოსამართლე ელისონ ქეი დანქენი - USAID/PROLoG-ის ექსპერტი, აშშ-ის მოსამართლეთა კონფერენციის, მოსამართლეთა საერთაშორისო ურთიერთობის კომიტეტის თავმჯდომარე, მოსამართლე რენატე ვინტერი, ევროკავშირი საქართველოსთვის სასამართლოს მხარდაჭერის პროექტის (EU4Justice) ხელმძღვანელი,მოსამართლე კატიცა არტუკოვიჩი, ევროპის საბჭოს ექსპერტი, მაგისტრატი ავრილ კალდერი - ევროკავშირი საქართველოსთვის სასამართლოს მხარდაჭერის პროექტის (EU4Justice) ექსპერტი, არასრუწლოვანთა და საოჯახო საქმეების განმხილველ მოსამართლეებისა და მაგისტრატების საერთაშორისო ასოციაციის ყოფილი პრეზეიდენტი.

2018 წლის 16-18 ოქტომბრის ჩათვლით სულხან-საბა ორბელიანის უნივერსიტეტის აკადემიური და ადმინისტრაციული პერსონალი დაესწრო ტრენერთა ტრეინინგს,რომელიც გაიმართა საქართველოს უნივერსიტეტში ერასმუს+ KA2 “STAR” პროექტის ფარგლებში. ტრენინგს ესწრებოდნენ საბაუნის აკადემიური პერსონალი: ნაზიბროლა ჩინჩალაძე, თამთა მიქაბერიძე, მარინე თავართქილაძე, ნანა ციხისთავი, შორენა გოგიაშვილი, ეკატერინე ნაცვლიშვილი, გვანცა აბდალაძე და ადმინისტრაციიდან ნათია შეყილაძე და შორენა პარუნაშვილი.
პროექტის „სტუდენტზე ორიენტირებული სწავლება - მოწინავე რესურსები საქართველოსა და ჩინეთისათვის STAR“ მთავარი მიზანია პროექტში მონაწილე საქართველოსა და ჩინეთის უმაღლესი საგანმანათლებლო დაწესებულებებზე მორგებული სწავლების თანამედროვე მეთოდების და გამოცდილებების თავმოყრა ერთ სახელმძღვანელოდ, გამოცდილებების გაზიარება და უნივერსიტეტებში ამ მეთოდების დანერგვა. პროექტის მიმდინარეობის დიდი დრო დაეთმო სახელმძღვანელოს შექმნას, ხოლო შემდეგი ეტაპი, ამ მეთოდების გაზიარება და ტრენინგებია ქართულ და ჩინურ უნივერსიტეტებში. ტრენინგებში მონაწილე აკადემიური და ადმინისტრაციული პერსონალი საბაუნიში ახლად დაფუძნებული უწყვეტი პროფესიული განვითარების ცენტრის ბაზაზე პერიოდულად ჩაატარებს ტრენინგებს აკადემიური პერსონალისათვის და გაუზიარებს მათ მიღებულ გამოცდილებას.
ტრენინგები ჩატარდა ორ ნაწილად: ადმინისტრაციული პერსონალისათვის ჩატარებული ტრენინგი ეხებოდა უწყვეტი განვითარების ცენტრის (CPD) ჩამოყალიბებას, მის მუშაობას და უნივერსიტეტებისათვის მის საჭიროებას. ხოლო, აკადემიური პერსონალისათვის ჩატარებული ტრენინგი - უშუალოდ სწავლების თანამედროვე მეთოდებს.
საქართველოს უნივერსიტეტში ჩატარებულ ტრენინგებს წინ უძღვოდა ონლაინ ტრენინგი, სადაც მონაწილეებს საშუალება ჰქონდათ გაცნობოდნენ პროექტის ფარგლებში შემუშავებულ სახელმძღვანელოს, გაცნობოდნენ სხვა მონაწილეებს და გაეზიარებინათ საკუთარი გამოცდილება.
ტრენინგებს უძღვებოდნენ პროექტის კონსორციუმში შემავალი უნივერსიტეტების წარმომადგენლები (კოიმბრას უნივერსიტეტი (პორტუგალია), რუსას უნივერსიტეტი (ბულგარეთი).
ტრენინგები გაიმართა პროექტის რიგით მე 4 შეხვედრის ფარგლებში, რომელიც დაგეგმილი იყო 15 ოქტომბრიდან 19 ოქტომბრის ჩათვლით. შეხვედრის ბოლო დღე დაეთმო პროექტის მონაწილეების მიერ ერთი კვირის შეჯამებას და პროექტის რიგით მეოხუთე შეხვედრის დაგეგმვას, რომელიც 22 ოქტომბრიდან 26 ოქტომბრის ჩათვლით გაიმართა ჩინეთის ქალაქ ჟანიანგში.
ჩინეთში გამართულ შეხვედრაზე პირველი დღე დაეთმო შუალედურ კონფერენციას, სადაც პროექტში ჩართულმა მხარეებმა ისაუბრეს პროექტის მსვლელობასა და მის ფარგლებში შესრულებულ საქმეზე. ამავე შეხვედრაზე გაიმართა ჩინეთის უნივერსიტეტების აკადემიური და ადმინისტრაციული პერსონალის ტრენინგი.
აღნიშნულ შეხვედრას წინ უსწრებდა სამუშაო შეხვედრები მასარიკის უნივერსიტეტში (ბრნო, ჩეხეთი), რუსას უნივერსიტეტსა (რუსა, ბულგარეთი) და კოიმბრას უნივერსიტეტში (კოიმბრა, პორტუგალია). პროექტი „STAR“ დაიწყო 2016 წლის 15 ოქტომბრიდან და დასრულდება 2019 წლის ოქტომბერში.

2018 წლის 2 ნოემბერს საბაუნის სტუმრად ეწვია საქართველოს პრეზიდენტის პრესსპიკერი ეკატერინე მიშველაძე.

მან სტუდენტებს გაუზიარა საკუთარი გამოცდილება, ისაუბრა საზოგადოებასთან ურთიერთობის მნიშვნელობაზე პოლიტიკაში.სტუდენტებს საშუალება ჰქონდათ დაესვათ კითხვები და მიეღოთ ბევრი ექსკლუზიური ინფორმაცია პირადად საქართელოს პრეზიდენტის პრესსპიკერისგან.

2018 წლის 1 ნოემბერს საბაუნის სტუდენტები სასწავლო ვიზიტით იმყოფებოდნენ კრაკოვში.მათ საშუალება ჰქონდათ გაეცნოთ ახალი კულტურა/ისტორია, დაახლოებოდნენ უცხოელ სტუდენტებს და რაც მთავარია წარმსდგარიყვნენ უცხოენოვანი აუდიტორიის წინაშე კონფერენციაზე.პროექტი რამდენიმე თვის განმავლობაში გრძელდებოდა და ითვალისწინებდა პოლონელ-ქართველ სტუდენტებში ღრმა და მნიშვნელოვანი საკითხების კვლევას, კულტურული მემკვიდრეობებისა და ისტორიის გაცნობასა და სამომავლო ურთიერთთანამშრომლობის გააქტიურებას. აღნიშნული პროექტის ფარგლებში, მაისში საბაუნის ეწვივნენ კრაკოვის იოანე პავლე მეორის უნივერსიტეტის სტუდენტები, მონაწილეობა მიიღეს დაგეგმილ კონფერენციაზე - თემა: მიგრაცია, გაეცნენ ქვეყნის კულტურასა და ისტორიას. ანალოგიურად, ოქტომბერში სასწავლო ვიზიტით საბაუნის სტუდენტები გაემგზავრნენ პოლონეთში, სადაც წარსდგნენ კონფერენციაზე - მოხსენებებით, დაათვალიერეს კრაკოვის ღირსშესანიშაობები, დაამყარეს როგორც პროფესიული ასევე მეგობრული ურთიერთობები უცხოელ სტუდენტებთან/პროფესორებთან. პროექტი ხორციელდებოდა სულხან-საბა ორბელიანის უნივერსიტეტისა და კრაკოვის იოანე პავლე მეორის უნივერსიტეტის ურთიერთთანამშრომლობის ფარგლებში. კონფერენციებზე წარმოდგენილი ნაშრომები აიკინძება და გამოიცემა წიგნად. აღნიშნული პროექტი კარგი საშუალებაა სტუდენტებისთვის გამოეცადად საკუთარი თავი და შესაძლებლობები. საბაუნი აგრძელებს, როგორც მოკლევადიანი, ასევე გრძელვადიანი პროექტების ორგანიზებას სტუდენტებისთვისა და პროფესორ-მასწავლებლებისთვის.